Ku busabe bw’umuhuza wa Afurika yunze Ubumwe, Perezida wa Angola Joao Lourenco, igihugu cya Congo cyemeye kurekure mu mahoro abasilikare babiri b’u Rwanda cyashimise.
Ni nyuma yuko u Rwanda rutangaje ku mugaragaro ko Congo nikomeza ubushotoranyi ikanga no kurekura mu mahoro abasilikare barwo bashimuswe u Rwanda narwo ruzirwanaho nkuko n’ibindi bihugu byabikora.
Mu gitondo cyo kuri uyu wa Gatatu, tariki ya 1 Kamena, radio RFI yatangaje ko Perezida wa Congo , Felix Tshisekedi yemeye kurekura abasilikare b’u Rwanda FARDC yari yarashimuse bari ku burinzi, ku mupaka w’ibihugu byombi.
Abo basirikare ni Cpl Nkundabagenzi Elysee na Pte Ntwari Gad bafashwe na FDLR ifatanyije na FARDC mu Burasirazuba bwa Congo.
U Rwanda rwari rwavuze ko ruzi neza aho baherereye bityo bagomba kurekurwa inzira zikigendwa.
