Ikipe ya APR FC yari yakiriye Power Dynamos kuri stade Amahoro kuri uyu wa 17 Kanama 2025, ubona ko abafana bayo bafite amatsiko yo kuyireba bakina n’ikipe ikomeye.
Ni umukino watangiye ikipe irushwa hagati mu kibuga n’ikipe ya Power Dynamos, ariko nubwo byari bimeze gutyo ikipe y’Ingabo yanyuzagamo igasatira nubwo igice cya mbere cyaje kurangira ntakipe irebye mu izamu, kuko igice cya mbere cyarangiye amakipe yose anganyije 0:0.
Ntibyatinze kuko ku munota wa 48 uwitwa Djibril Outarra yaje kubonera APR FC igitego yatsindishije umutwe ku mupira w’umuterekano. Ntibyatinze kuko ku munota wa 54 Djibril yaje guterekamo igitego cya kabiri, umukino waje no kurangira gutyo.
Ibi byasigiye abakunzi b’iyi kipe ndetse n’abafana bayo ikizere dore ko nyuma y’umukino wumvaga bigamba bavuga ko ikipe yabo itameze nka mucyeba wabo w’ibihe byose ariwe Rayon Sports, cyane ko yari yatsinzwe na Yanga Afrikan yo muri Tanzania kuri Rayon Day ibitego 3-1.
Iyi ikipe ya APR FC iraza gukomereza mu mikino y’irushanwa yise “Inkera y’abahizi” igomba gukinamo n’amakipe atandukanye arimo AZAM SC yo muri Tanzania, VIPERS yo muri Uganda ndetse utibagiwe na AS Kigali na Police FC za hano mu Rwanda, kandi nimara gukina iyi mikino izahita ikomereza mu mikino ya CECAFA Kagame Cup izabera muri Tanzania mu rwego rwo gukomeza kwitegura amarushanwa ifite uyu mwaka wa 2025/2026.
Niyoyita Egide
