Ikigo mpuzamahanga gikora ubushakashatsi kuri Coronavirusi, Crisp, cyatahuye ubwoko bushya bwa COVID-19 muri Angola ku bagenzi bari baturutse muri Tanzania.
Iki ni cyo kigo cya mbere cyatahuye ubwoko bushya bwa coronavirus muri Afurika y’Epfo bw’igikatu ndetse kinakora ubusakashatsi bwerekanye ko ubwo bwoko bwandura bukanica vuba kandi bukaba budakozwa n’inkingo ziri gutangwa ku isi.
Ubuyobozi bw’icyo kigo bwatangaje ko iyi coronavirus yagaragaye ku bagenzi baturutse muri Tanzania ari ubwoko bwihinduranyije kurusha ubundi bwose bumaze kuvumburwa kandi bukaba buturuka ku bwoko bwa mbere bwa Coronavirus bwagaragaye mu Bushinwa ubwo iki cyorezo cyadukaga ku isi mu mpera za 2019 ari naho havuye izina COVID-19.
Izo nsanganya zikigaragara muri Angola, amakuru yahise ashyikirizwa Ishami ry’Umuryago w’Abibumbye ryita ku Buzima (OMS).
Twabibutsa ko kuva Coronavirus yakwirakwira isi, byagaragaye ko yageze no muri Tanzania ariko inzego z’ubutegetsi zigeraho zihagarika gahunda yi gutangaza imibare y’abanduye n’abahitanwa nayo bivuye ku itegeko rya Perezida Pombe Magufuli, binakekwa ko ari yo iherutse kumuhitana ariko ubutegetsi bugatangaza ko yazize indwara y’umutima.
