Yanditswe na Ndayambaje Jean Claude
Ishyirahamwe ry’umupira w’amaguru mu Rwanda FERWAFA ryatangaje ko Carlos Alos Ferrer ariwe wahawe inshingano zo gutoza Amavubi ndetse bakaba bahise bamwerekana ku mugaragaro.
Uyu mugabo ukomoka mu gihugu cya Espagne yahigitse abatoza icumi bari bifuje uyu mwanya.
Ku gucamusi cyo kuri uyu wa Kabiri tariki ya 29 Werurwe 2022 nibwo Ferwa yatangaje ko yamaze kubona Umutoza mushya usimbuye Mashami Vincent muri kuri uyu mwanya nyuma yaho yasezerewe kubera umusaruro muke.
Carlos Alos Ferrer afite imyaka 41, yavutse tariki 21 Nyakanga 1975 avukira mu gace kitwa Tortosa muri Espagne, ndetse ninaho yatangiriye umupira w’amaguru, uyu mugabo ntabwo yakinnye ku umupira w’Amaguru ku rwego ruhambaye kuko yavuye mu ikipe y’abakiri bato yitwa Tortosa, hanyuma azamurwa mu ikipe nkuru mu mwaka w’ 1993.
Carlos Alos Ferrer mu 1996 yavuye mu ikipe nkuru yerekeza mu ikipe ya La Senia aho yayivuyemo ajya muri Alaves B, ahava yerekeza muri Don Benito hanyuma muri 2001 agaruka muri Tortosa yari yigeze gukinira nanone.
Carlos yatangiye kariyeri yo gutoza muri 2003 aho yatangiriye mu ikipe y’abato yitwa Amposta, muri 2005-07 yatoje Roquetenc aho yayitoje anayikinira (Legend) kuva muri 2007 kugeza muri 2021, yari mu ikipe yitwa Neon Paralimni niyo yaherukaga gutoza.
Mu mwaka 2007 ubwo yahabwaga gutoza ikipe ya Tortosa yayivuyemo muri 2008, nyuma yaho yongeye gutoza Kitchen muri 2010, Alos muri 2015 yatoje ikipe ya Pogon Siedlce ayitoza iminsi 123, atozamo imikino 10 atsindwa 7, anganya 2 atsinda 1 aba arirukanwe bamunenga umusaruro muke.
Byibuze ahantu henshi yatoje ntabwo yigeze ahamara umwaka wuzuye.
Ubwo yatozaga Kairat Almaty yo muri Kazakhstan yatwaranye nayo igikombe cy’igihugu akaba ari nacyo gikombe kimwe rukumbi afite mu mateka ye. Yayitoje imikino 47 atsindamo 33, anganya 4 atsindwa 10, ni mu mwaka wa 2017.
Muri 2018 Kazakhstan yaje kumuha ikizere imuha ikipe y’igihugu y’abakiri bato gusa byaranze ayivamo amaramasa ndetse byabaye ngombwa ko yirukanwa.
Muri 2019, Carlos Alos yaje muri Afurika, atoza ikipe yitwa FAR Rabat yo muri Maroc, aho yasinye kuyitoza kuva tariki 21 Mutarama 2019 ayisohokamo tariki 30 Kamena 2019, yahise yerekeza mu ikipe ya Quatar SC ayimaramo amezi abiri n’igice.
Carlos Also Ferrer yasinye amasezerano y’umwaka umwe atoza ikipe y’igihugu y’u Rwanda Amavubi , akazatangira akazi kuva tariki ya 01Mata 2022.
