Icyamamare, umuririmbyi w’Umuraperi ukomeye w’umunyamerika, Earl Simmons, uzwi nka DMX, ubuzima bwe buri mu marembera nyuma yo gukoresha ibiyobyabwenge akageza aho agwa mu kinya.
Amakuru dukesha Complex avuga ko ibi bisa n’ubwiyahuzi byabaye kuri iki cyamamare DMX cyajyanywe kwa muganga igitaraganya mu ma saa sita z’ijoro ryo kuri uyu wa Gatanu umutima we wagize ikibazo kubera ibiyobyabwenge byinshi yafashe ari iwe.
Kuri ubu tuvugana DMX ari mu bitaro White Plains byo mu Murwa mukuru wa New york, aho ari mu cyumba k’indembe kizwi nka ICU.
DMX si rimwe avuzweho ibyo gukoresha ibiyobyabwenge kuko yakunze kujya yitabaza ibigo bifasha ababaswe nabyo gusubira mu buzima busanzwe.
Ibyamamare bigenzi bye birimo nka TI, Ja Rule, Rick Ross, Missy Elliot, batangiye kumuba hafi mu butumwa bw’ihumure bagiye banyuza ku nkuta zabo za Twitter mu bukangurambaga biswe "PrayersUpFoDMX, bamusabira ku Mana ngo azanzamuke.
