Yanditswe na: Imfurayabo Pierre Romeo
Umwana w’umuhungu witwa Ravindran ukomoka mu gihugu cy’ubuhinde, umuganga yamukuyemo amenyo 526 nyuma yuko uyu mwana yari yagaragaje imiterere idasanzwe yariri kugenda ihindagurika ku munwa we kuva ubwo yari afite imyaka itatu.
Ubucukumbuzi bwakozwe n’abaganga bwagaragaje ko aya menyo yakuwe mwitama ry’uyu mwana ryari rimaze kugira ubunini budasanzwe. Umuganga wavuye Ravindran, akaba yavuze ko ubu ari bumwe mu buvuzi bw’ihariye bakoze kuva mu myaka nk’icumi ishize.
Ubu buvuzi abenshi twita kubagwa mu Kinyarwanda, bwakozwe n’abahanga mu kubaga bo muri Kaminuza Chennai’s Saveetha Dental College Hospital hano mu gihugu cy’ubuhinde.
Dr Senthilnathan umwe mu baganga bakoze ubu buvuzi akaba ari nawe wayoboye iyi operation cyangwa iki gikorwa, aganira n’itangazamakuru yagize ati “ Twafunguye itama rye ryari rimaze kugira ubunini bukabije, ariko twabanje kumutera ikinya nubwo cyabanje kugorana kumufata, ariko bavandi, ntimwakumva ibyo twahise tubona mo imbere y’itama”.
Yongeyeho ko amenyo bamusanzemo yose hamwe yapimaga byibura garama 200 gusa kikaba ari igikorwa cyakoranywe ubwitonzi ku buryo byagenze neza.
Dr Pratibha Ramani, nawe wari mu baganga bayoboye iki gikorwa cyo kubaga uyu mwana w’umuhungu, yabwiye The times of india, ikinyamakuru cyandikirwa mu buhinde ko amenyo bamukuyemo yarafite ubunini butandukanye muri make atareshyaga, gusa akaba yarafite uburebure buri hagati ya milimetero 0.1 kugeza kuri milimetero 15.
