Yanditswe na Mutungirehe Samuel
Bimaze iminsi bivugwa ko abatuye isi bashobora kuzasabwa guterwa urukingo rwa 4 rwa COVID-19 nyuma yaho hadukiye ubwoko bushya bwa Omicron bufite ubukana bwinshi mu gukwirakwira mu bantu ku muvuduko utarabonerwa igipimo ku Isi.
Nkuko birimo kumenyerwa, igihugu cya Israel ni cyo cyongeye kwadukana ibyo gukingira urukingo rushya rwa 4 nyuma yuko runabimburiye ibindi bihugu gukiresha urwa Gatatu aho Delta ikangiye Isi.
Ikinyamakuru cyo muri Israel, The Jerusalem Post cyanditse inkuru ifite umutwe ushyize mu kinyarwanda) ugira uti "Umuntu wa Mbere yahawe urukingo rwa Kane".
Uru rukingo rutanzwe nyuma y’inyigo yo guhangana na coronavirusi ikomeje gucangangukisha ubwonko bw’abashakashatsi ku byorezo.
Umuyobozi Mukuru wa OMS (WHO), aherutse kuburira ibihugu cyane cyane ibikize kwirinda kwihutira gukingira abana urukingo rwa Gatatu byitwa ko ari ugushimangira ubudahangarwa, mu gihe hari abakuze batarabona na rumwe.
