Umuhanzi witwa Antoine Christophe Agbepa Mumba, uzwi nka Koffi Olomide, kizigenza muri Reoubulika Iharanira Demokarasi ya Congo, yavuze ko igihugu cye kitari mu ntambara ahubwo kirimo gukubitwa nk’umwana.
Ni amagambo y’akasamutwe yongeye kuvuga ku gihugu cye, noneho akaba yibasiye ingabo zitorohewe n’urugamba zihanganyemo na M23 wayibereye nka ka kiziritse ku muhoro gashirwa kawuciye.
Koffi yivugiye ko "nta ntambara iri muri RDC. Twarakubiswe, baduteye agashyi."
Hari mu kiganiro cyitwa ’Le panier the morning show’ cya Televizion y’Igihugu RTNC, cyabaye ku itariki ya 06/07/2024, ubwo umunyamakuru Kabasele Mbuyi Jessy usanzwe ayobora iki kiganiro ‘Le panier the morning yakiraga iki cyamamare Koffi, aho cyaje gutangaza ko igisirikare cya leta ya Kinshasa gikomeje gukubitwa inshuro.
Uyu muhanzi ufatwa nk’igihangange gikomeye cyane mu muzika w’Afurika, ariko utakiripfana ku bibera iwabo atiyumvisha, yakivugiyemo iby’intambara ibera mu Burasirazuba bw’iki gihugu, avuga ko abona amakamyo y’umutwe wa M23 yidegembya abayatwara ntacyo bikanga.
Koffi yagize ati: “Nta ntambara ihari. Turi gukubitwa. Turi gukubitwa inshyi. Bari kudukorera ibyo bashaka. Niboneye amakamyo yidegembya, nta muntu uyahagarika. Nabonye abasirikare bacu bajyanwa ku rugamba na moto. Ndarira. Nta ntambara ihari turi gufatwa nk’abana. Mu ntambara, iyo urashye nanjye ndarasa.”
Ku wa Gatatu, tariki ya 10/07/2024, inama nkuru ishinzwe y’ itangazamakuru n’itumanaho muri RDC yatumijeho Kabasele na Olomide kugira ngo batange ibisobanuro kuri kiriya kiganiro.
Umuyobozi mukuru wa RTNC yandikiye Kabasele, amumenyesha ko yamuhagaritse by’agateganyo kuri televisiyo y’igihugu, anahagarika ikiganiro cye byagateganyo mu rwego rwo gukumira ingaruka mbi zakurikiraho.
Uyu muyobozi mukuru akaba amushinja kureka Koffi Olomide kuvuga ashize amanga ku ntambara bo bavuga ko ari iy’ubushotoranyi igihugu cya RDC cyakorewe. Akavuga ko nta ruhare umunyamakuru yigeze ashyiramo kugira ngo amuhagarike cyangwa anyomoze ibyo yari amaze kuvuga.
Nyuma yo kwakira Koffi akibohora arimo kubazwa akasongoye ihwa
Uyu muyobozi mukuru wa Radio na Televisiyo by’igihugu, agasobanura ko kiriya kiganiro cyatesheje agaciro igihugu n’igisirikare cyabo.
Yanditase agira Ati: “Rwose mfashe icyemezo cyo kuguhagarika mu mirimo yawe guhera uyu munsi kandi ikiganiro le pannier the morning show kirahagaritswe kugeza ubwo hazatangirwa andimabwiriza mashya.” ndetse inzego zibishinzwe zikaba zigmba gutangira gukora iperereza.
Koffi yanze kuripfana bikoraho umunyamakuru
