Hari umuturage witwa Hagenimana Felecien ,utuye mu kagari ka Kigombe Umurenge wa Muhoza w’Akarere ka Musanze usaba ko yarenganurwa nyuma yo guterezwa imitungo ye yose mu cyamunara.
Aganira na Mamaurwagasabo tv yavuze ko abahesha b’inkiko baje kumurereza icyamunara ngo mu buryo bunyuranyije n’amategeko none kuri asigaye arara hanze n’umuryango we.
Ati ”Nabonye baje guteza imitungo yanjye mu cyamunara itarigeze ikurikiza amategeko, ntabwo bigeze banyandikira ngo menye iyo cyamunara nabonye inzego z’umutekano zije zinsohora mu nzu nyamara icyo gihe ibibazo byari bikiri mu nkiko, uwo munsi nibwo nari gusomerwa.”
Intandaro y’iki kibazo ngo yagiye gufata amafaranga y’urunguze(Bank Lambert) aho yagirijwe Miliyoni 2,5 ariko ngo yatunguwe no kubona barateje imitungo ye ifite agaciro ka Miliyoni 220 Ubu akaba arimo gusembera.”
Ati ”Nagiye kuguza amafaranga muri Bank Lambert angana na Miliyoni ebyiri n’igice , ariko bitewe n’uburiganya abahesha b’inkiko bakora baraza bateza mu cyamunara imitungo yanjye yose, ubwo bagiye bashyiramo n’igihembo cy’abavoka, Ubu ndimo gutakambira Perezida Kagame ko yandenganura ngasubizwa imitungo yanjye.”
Felecien yakomeje agira ati ”Ndasaba abayobozi n’abacamanza kWı kira mu kibazo cyanjye kuko nakigejeje ahantu hose, kumuvunnyi bagiyeyo, nagiye no Guverineri Dancilla , nandikiye na Perezida, mbona icyihishe inyuma yikibazo cyanjye ari ruswa uwari wampaye izo Miliyoni 2 yatanze kugira ngo njye kwangara, Ndifuza ubutabera ndetse inzego z’ubuyobozi zigashyira mu gaciro inzu zanjye zose barazitwaye.”
Twifuje kumenya icyo ubuyobozi bw’Akarere ka Musanze buvuga kuri iki kibazo maze Umuyobozi w’Akarere Nsengimana Claudien adusubiza mu butumwa bugufi.
Ikibazo cyo guteza icyamunara ku mitungo mu ntara y’Amajyaruguru kimaze gufata indi ntera by’umwihariko mu karere ka Musanze aho bashinja bamwe mu bahesha b’inyiko kugira amarangamutima ashingiye kuri ruswa ituma badasesengura neza icyemezo bagiye gufata,akaba ariho abaturage bahera basaba ko mbere yo gufata icyemezo bajya babanza gushyira mu gaciro.
