Gervais Ndirakobuca yagizwe Minisitiri w’Intebe w’u Burundi asimbuye General Alain Guillaume Bunyoni uvugwa mu mugambi wo guhirika ubutegetsi bwa Gen. Evariste Ndayishimiye.
Ndirakobuca yari asanzwe ari Minisitiri w’Ubutegetsi bw’Igihugu afite mu nshingano abinjira n’abasohoka n’umutekano mu gihugu. Mbere yaho yanabaye kandi Umuyobozi w’igipolisi cy’u Burundi.
Perezida w’u Burundi aherutse gutangaza ko mu gihugu cye hari abo yise “Ibihangage” bigamije kumuhirika ku butegetsi, arahirira ko badateze kubigeraho habe na gato.
Alain Guillome Bunyoni ni umwe muri ibyo bihangage byakomojweho na Perezida Ndayishimiye, dore ko ngo bari bamaze iminsi badacana uwaka nyuma yo kujya yitambika gahunda z’iterambere Perezida Ndayishimiye yemereye abaturage ubwo yiyamamazaga.
Ndirakobuca yayowe ku majwi 100%.
