Kuri uyu wa Kane Perezida w’u Burundi, Gen. Ndayishimiye Evariste yakiriye mu biro bye Antoine Cardinal Kambanda, Umushumba wa Arkidiyosezi ya Kigali, uri mu ruzinduko mu Burundi.
Ni mu ruzinduko Cardinal Kambanda arimo mu Gitega yitabiriye inama y’Ishyirahamwe ry’Inama z’Abepiskopi bo mu Rwanda no mu Burundi (ACOREB).
Cardinal Kambanda yari kumwe na Musenyeri Philippe Rukamba, Perezida w’Inama y’Abepiskopi Gatolika mu Rwanda hamwe na bagenzi be babiri bo mu Burundi. Perezida Ndayishimiye yabakiriye ari kumwe na Madamu we Angeline Ndayubaha.
Ishyirahamwe ry’Inama z’Abepiskopi bo mu Rwanda no mu Burundi (ACOREB), ryashinzwe kuwa 6 Kamena 1981, ikaba ihuza Abepiskopi bo mu bihugu byombi. Ifite intego yo gusangira amasomo n’ubunararibonye mu ikenurabushyo. Kuri ubu iyobowe na Musenyeri Gervais Banshimiyubusa wa Diyosezi Ngozi, Musenyeri Philippe Rukamba n’Umunyamabanga, Padiri Lambert Nicitegetse.
