Kuva Umutwe wa Twirwaneho w’Abanyamulenge watangaza ko wagize ibyago ugapfusha umurinzi wabo, ari nawe wari umuyobozi wawo, Gen Makanika mu gitero cya Drone yagabweho na FARDC iri kisangani, umutwe wa AFC/M23 watabarije aba bakongomani ko bakwiye kurindwa, ubwicanyi bubakorerwa bugahagarara.
Gen Makanika yari ayoboye Twirwaneho kuva mu 2020 yava mu gisirikare cya FARDC akajya kurinda benewabo bicwa amanywa n’ijoro n’imitwe yitwaje intwaro nka RED Tabara ifatanyije na FARDC. yari yararahiriye ko Abanyamulenge batazapfa nk’imbwa, bazapfa barwanira kubaho mu gihugu cyabo nubwo hari abandi bahunze bari hirya no hino ku isi mu nkambi abandi mu buhungiro.
Ubwo umuvugizi wa AFC/M23, Lawrence Kanyuka yari abajijwe uko bakiriye urupfu rwa mugenzo wabo warwaniraga ubwoko bwe kubaho, yavuze ko bakwiye gutabarwa, kuko igihe kibaye kinini bicwa na Leta yabo.
Yabitangaje mu kiganiro n’abanyamakuru cyo kuri uyu wa Gatanu i Bukavu, nyuma yo gukora isuku no gukura zimwe mu mbunda FARDC mbere yuko ijya kuva muri uyu mugi yari yarahaye abaturage b’abasivile ngo bazasigare barwana na M23.
Yagize ati: Icyo nzi Twirwaneho ni imbaraga z’abantu bashaka kwirwanaho, barwana ku baturage b’abasivile baterwa na Guverinoma ya DRC kuva mu muyaka ishize; hano ndi guhamagara umuryango mpuzamahanga kumenya ko Abanyamurenge bari gutotezwa buri munsi, bari kwicwa, bari kuba hanze, nta bufasha bwa kirengera bafite."
Kanyuka yakomeje agira ati: "Ibyo bintu bigiomba guhagarara kandi Abanyamulenge bagomba kuba ku butaka bwabo nk’abakongomani."
Samuel Mutungirehe
