Ibizamini bya Leta bisoza amashuri abanza mu mwaka w’amashuri wa 2024–2025 bizatangira ku wa 30 Kamena 2025, bikazarangira ku wa 3 Nyakanga 2025 mu mashuri abanza. Ibi byatangajwe na Minisiteri y’Uburezi ubwo yashyiraga hanze ingengabihe y’umwaka w’amashuri wa 2024–2025.
Ibizamini ngiro bisoza amashuri yisumbuye bizatangira ku wa 19 Gicurasi 2025, bikazarangira ku wa 6 Kamena 2025.
Ibizamini byanditse byo mu mashuri yisumbuye (ibyiciro byombi) bizatangira ku wa 9 Nyakanga 2025, bikazarangira ku wa 18 Nyakanga 2025.
Ministeri y’uburezi ivuga ko mu gihugu hose, abakandida ibihumbi 471,009 ari bo biyandikishije ko bazakora ibizamini bya Leta, abo ni abo mu mwaka wa 6 w’amashuri abanza, icyiciro rusanga, ndetse no mu mwaka wa 6 w’ayisumbuye.
Minisiteri y’Uburezi yasabye abanyeshuri, abarezi n’ababyeyi gukomeza kwitegura neza kugira ngo ibizamini bizagende neza kandi mu mucyo.
