Ikipe ya Etincelles yaraye itsinze Musanze FC ibitego 3-0, mu mukino wa shampiyona y’icyiciro cya mbere wabereye kuri stade Umuganda mu Karere ka Rubavu. ikipe ya Etincelles yahise ifata umwanya wa 8 n’amanota 32, naho Musanze FC yo iri ku mwanya wa 10 n’amanota 30. Iyi kipe ya Etincelles Iherutse guhagarika umutoza wayo Seninga Innocent imushinza ubusinzi.
Kiyovu yaraye inganyije na Muhazi United ibitego 2-2, Kiyovu imaze gufata umwanya wa 9 n’amanota 31, ivuye ku wa 16 mu gihe cy’amze abiri ashize. Naho Muhazi iri ku mwanya wa 14 n’amanota 27.
Uyu munsi hari umukino umwe rukumbi, ikipe ya Gorilla muri Kigali Pele Stadium iraza kwesurana na Bugesera saa cyenda.
Indi mikino izaba mu cyumweru gitaha, uretse uwa Vision izakira As Kigali kuri Kigali Pele Stadium mu munsi wejo.
Ku Cyumweru ikipe ya APR FC izesurana na Rayon Sports ku mukino wa nyuma w’igikombe cy’Amahoro uzaba saa kumi n’igice muri stade Amahoro.
Ni mu gihe mbere yaho ikipe y’Indahangarwa izaba yakinwe na Rayon y’Abagore ku mukino wa nyuma w’iki Gikombe cy’Amahoro saa sita n’igice, nabwo muri stade Amahoro.
Imikino yo guhatanira umwanya wa gatatu mu Gikombe cy’Amahoro ni Kuri uyu wa gatandatu, Police y’Abagore izakina na Kamonyi y’Abagore saa sita n’igice. Naho saa cyenda n’igice Police izesurana na MUKURA VS.
Ku cyumweru imikino ya nyuma mu cyiciro cya kabiri nibwo izaba, As Muhanga izakira La Jeunesse, naho Etoile de l’Est yakire Gicumbi.
Gicumbi yamaze gukomeza, naho As Muhanga irabura gutsinda gusa nayo ikabona itike. Muhanga iramutse itsinzwe, Etoile igatsinda niyo yahita ikomeza.
I Burayi
Imikino ya UEFA Europe League yaraye ikomeje muri 1/2;
Man United ibifashijwemo na Casemiro, na Bruno Fernandez watsinze ibitego bibiri, yatsinze Athletic Club ibitego 3-0, naho Tottenham yatsinze Bodoe/Grimt ibitego 3-1.
Muri Conference League mu mikino ya 1/2, ikipe ya Chelsea yatsinze Djurgaarde ibitego 4-1, naho Real Betis yo muri Espanye yatsinze Fiorentina yo mu Butaliyani ibitego 2-1.
Mu Bwongereza Nottingham yatsinzwe na Brentford ibitego 2-0 muri shampiyona.
Uyu munsi shampiyona irakomeza, Man City iraza gucakirana na Wolves, indi mikino izaba ku munsi wejo.
Nyuma y’igihe kitari gito agize ikibazo cy’imvune, Amad Diallo yagarutse mu bakinnyi ikipe ya Manchester United yaraye ikoresheje ubwo yatsindaga Athletic Club ibitego 3-0,mu mukino wa 1/2 cya UEFA Europe League.
Ikipe ya Inter Miami, ikinamo umunya- Argentine Lionel Messi iri kwifuza Kevin De Bruyne umubiligi utazakomezanya na Man City.
