Ndayambaje Jean Claude
Ikipe ya AS Kigali yatakaje umukino ubanza w’ijonjora rya Caf Confederation Cup itsindiwe mu rugo, i Kigali, n’Ikipe ya Daring Club Motema Pembe (DCMP) yo muri Repubulika Iharanira Demokarasi ya Congo.
Kuri iki cy’umweru kuri sitade ya Kigali i Nyamirambo nibwo habereye umukino wa Caf confederation cup aho As Kigali yakiriye Daring club Motema Pembe ndetse iyi kipe ikaba yitwaye neza kuko yabanje ibitego bibiri mu gice cya mbere.
Iyi kipe wabonaga yihariye umupira igenda ihusha uburyo bw’ibitego bwari bwabazwe.
DCMP yatangiriye muri iri jonjora rya Kabiri bitewe n’uburyo yitwaye mu marushanwa aheruka.
Mu kibuga, AS Kigali yatangiye yasaga nishaka gutsinda mu minota itanu ya Mbere kuko yabonye uburyo bugera kuri bubiri mu gice Mbere, bwabonetse nubwo abakinnyi ba As Kigali barimo Abubakar Lawal na Shaban Hussein Tshabalala bagiye baburana amahirwe imbere y’izamu.
Iyi kipe ya DCMP yafunguye amazamu hakiri kare ku munota wa munani (8’), igitego cyinjijwe na Kasereka Apianom nyuma y’umupira wahinduwe na Ikanga Kapela, ku makosa yari akozwe n’aba Myugariro ba As Kigali wabonaga basa nkaho badahuza umukino.
Ntwari Fiacre, umuzamu wa AS Kigali yagiye akora akazi katotoshye ndetse yakuyemo ibitego byari byabazwe; twavuga nk’umupira ukomeye watewe na Kimvuidi Ntikubuka, ibi byaje gutuma As Kigali ikomeza kotswa igitutu.
Mu gihe haburaga bakinaga amasegonda ya nyuma y’igice cya Mbere kigana ku musozo umuzamu Fiacre Ntwari yakoze akazi gakomeye kuko yakuyemo umupira ukomeye watewe na Christian Nsundi Landu, DCMP yaje kubona koruneri yavuyemo igitego cya kabiri cyatsinzwe na Katulondi Kati ku munota wa 45’ igitego cy’umutwe Igice cya Mbere kurangira ari 2-0 As Kigali.
Igice cya Kabiri cyatangiye umutoza Eric Nshimiyimana akora impinduka ndetse zatanze umusaruro Haruna Niyonzima yinjiye mu kibuga As Kigali ihindura umukino ndetse na Kwizera Perrot wanjirihe iyi kipe igitego amaze kwjiramo asimbuye kuri Kufura Nziza yariteretse inyuma y’urubuga rw’amahina maze maze ayitereka mu rushundura ku munota wa 62’, As Kigali yakomeje gusatira ariko Ibura ikindi gitego cyo kwishyura.
Umutoza wa As Kigali yakomeje gusimbuza bamwe mu bakinnyi wabonaga ko bananiwe aho yakoze impinduka 3 , Abeddy Biramahire, Saba Robert na Ahoyikuye Jean Paul basimbuye Aboubakar Lawal, Niyibizi Ramadhan na Rukundo Denis bari bamaze kunanirwa, umutiko urangira ari ibitego 2-1.
Dore abakinnyi babanje mu kibuga ku ruhande rwa As Kigali
Mu izamu ,Ntwari Fiacre, Rukundo Denis, Rurangwa Mossi, Bishira Latif (c), Ishimwe Christian, Butera Andrew, Shaban Hussein, Kakule Mugheni Fabrice, Kwizera Pierrot, Abubakar Lawal, Niyibizi Ramadhan.
Ku ruhande rwa Daring club Motema Pembe (The Immaculates)
Mu izamu, Henock Kamalanduaka Kama, Henock Mangindula, Arianom Kasereka, Ikanga Kapela, Ikoyo Iyembe, Katulondi Kati, Christian Nsundi Landu, Mbomba Motu, Likuta Luezi, Kayembe Ndotoni (c), Karim Kimvuindi Ntikubuka.
AS Kigali izerekeza muri Repubulika iharanira demokarasi ya Congo ku Cyumweru tariki ya 24 Ukwakira 2021, aho izahenda isabwa akazi gakomeye kagranye kuko izaba gutsinda DCMP byibuze ibitego 2 ku busa kugira ngo ibashe gukomeza mu ijonjora rya nyuma riberekeza mu matsinda.
