Yanditswe na Mutungirehe Samuel
Umuryango w’Ubukungu bw’ibihugu byo mu Burengerazuba bw’Afurika, ECOWAS, wasabye agatsiko k’abasirikare kayoboye igihugu kinyamuryango Mali gukoresha amatora mu kwezi gutaha, Gashyantare, 2022, uko byaba bimeze kose mu gihe ko gasaba guhabwa imyaka 5 y’inzibacyuho yo gutegura amatora.
Uyu mwanzuro ECOWAS iwufashe nyuma yo kohereza muri Mali umuhuza, Goodluck Jonathan, wahoze ayobora Nigeria, mbere gato y’Inama y’Abakuru b’ibihugu by’uyu muryango iteganyijwe ku cyumweru gitaha.
Mu kwezi kwa Nzeri 2021 Mali yahuye n’ihirikwa ry’ubutegetsi bikozwe n’agatsiko k’abasirikare kanafata ubutegetsi ku ngufu, kabwambuye Perezida Alpha Conde, kugeza ubu kayobowe na Col. Assimi Goita.
Kugeza ubu Umuryango ECOWAS wamaze kwerurira Abasirikare bayoboye Mali ko nibadakora amatora mu kwezi gutaha bazafatirwa ibihano mu rwego rw’ubukungu hamwe n’ibijyanye n’ingendo zabo mu bihugu binyamuryango.
Ijwi ry’Amerika ryanditse ko impirimbanyi za Rubanda zirimo nka Fousseini Diop, uyobora umuryango w’urubyiruko AJCAD, (the Youth Association for Active Citizenship and Democracy) yavuze ko bifitiye ubwoba ko abayoboye nibafatirwa ibyo bihano abazabirenganiramo cyane ari abaturage impande zombi zikinira hejuru.
Uyu ni umuryango ugizwe n’ibihugu 15 ari byo Benin, Burkina Faso, Cabo Verde, Cote d’Ivoire, Gambia, Ghana, Guinea, Guinea-Bissau, Liberia, Mali, Niger, Nigeria, Senegal, Sierra Leone, na Togo.
