Dr Jeannette BAYISENGE ni umwarimu mukuru akaba n’umuyobozi wa gateganyo w’ikigo cy’amasomo ajyanye n’uburinganire muri Kaminuza y’u Rwanda ishuri ry’ ubugeni n’ubumenyi rusange.
Afite impamyabushobozi y’ikirenga mu bikorwa rusange byibanda ku buringanire n’uburenganzira k’ubutaka yakuye muri kaminuza ya Gothenburg mu gihugu cya Sweden akaba kandi afite Impamyabushobozi y’icyiciro cya gatatu cya Kaminuza yakuye muri Ewha Woman’s University in Seoul-muri Koreya y’Epfo mu byerekeye Iterambere cyane cyane iryibanda ku bari n’abategarugori hiyongera ho kandi Impamyabushobozi y’icyiciro cya 2 cya kaminuza mu mu bikorwa by’imibereho myiza y’abaturage yavanye muri Kaminuza y’u Rwanda.
Mu mwaka wa 2004 yigishije muri Kaminuza y’u Rwanda aho yagiye akora ubushakashatsi mu bice bice bimwe na bimwe by’ibanda ku Iterambere n’Uburinganire harimo Uburenganzira ku butaka,imibereho ndetse n’uburenganzira k’ubutaka by’urubyiruko,amakimbirane ashingiye kukutagira uburenganzira bungana ku mutungo hagati y’umwana w’umuhungu n’umukobwa,Ihohoterwa rishingiye ku gitsina n’andi makimbirane abishamikiye ho.
Usibye ibyo kandi Bayisenge yagiye akora imirimo itandukanye harimo kuba Umuyobozi w’Inama y’igihugu y’abagore ,umuyobozi w’Inama y’akarere ka Gasabo,Umuyobozi wungirije w’inama y’ubutegetsi akaba n’umwe mu bagize komite ngenzuzi muri LODA hamwe no kuba umwe mu bagize inama y’ubutegetsi mu kigo cy’igihugu cy’Indangamuntu NIDA.
Dr Jeannette BAYISENGE n’umwe mubagore bemerewe kwiyamaza kumwanya wa b’abadepite, akazaba ahariye abagore.
Icyiro cy’abagore cyizatangira kwiyamamaza 20/Kanama 2018.
Umunsi wo gutora ikicyiro cyihariye cyo gutora abagore azaba 4/Nzeri 2018 n’urubyiruko ,mugihe amatora rusange azaba 3Nzeri 2018 naho abanyarwanda baba mumahanga n’abafite ubumuga azaba 2/Nzeri 2018.
