Urwego rushinzwe ubutasi muri Iran rwatangaje ko rwakoranye n’ingabo za Islamic Revolutionary Guard Corps mu gikorwa cyo gukumira hakiri kare imitwe ishaka ubwigenge ihanganye na Iran ivugwaho gushyigikirwa na USA na Israel, yari igiye kwinjira mu burengerazuba bwa Iran igamije kugaba ibitero by’iterabwoba.
Mu itangazo ryatangajwe n’ikinyamakuru cya Tasnim News Agency, iyo minisiteri yavuze ko ingabo za Iran zagabye ibitero ku birindiro byinshi by’iyo mitwe ndetse zinasenya ibikoresho byayo, bituma ihura n’ibihombo bikomeye.
Iyo minisiteri yongeyeho ko ingabo za Iran zirimo gukorana n’Abanyakurdi yise “abanyacyubahiro” mu rwego rwo kuburizamo umugambi uvugwa ko wateguwe na Israel na Amerika wo kugaba igitero ku butaka bwa Iran.
Mbere y’aho, televiziyo ya Press TV yari yatangaje ko ingabo za Iran zatangije igikorwa cya gisirikare kigamije kurwanya imitwe ishaka ubwigenge iri mu gace k’Abanyakurdi gafite ubwigenge bucagase mu majyaruguru ya Iraq.
Chadadi HABIMANA
