By Imfurayabo Pierre Romeo
Umukuru w’abatavuga rumwe n’ubutegetsi bw’igihugu cya Venezuela, Juan Guaidó, aremera ko ubutegetsi bushobora guhinduka mu gihe gusa igisirikare cyakwemera kumushyigikira
Mu kwezi kwa mbere uyu mwaka wa 2019, Bwana Guaidó yaritangaje ko ari we mukuru w’igihugu wemewe, ashyigikirwa n’igihugu cya Leta Zunze Ubumwe za Amerika. Avuga ko ashyigikiwe n’abanyavenezuela "hafi 90 kw’ijana".
Inkuru dukesha BBC ivuga ko ejo ku cyumweru, abategetsi ba Venezuela batangaje ko bashobora kugabanya amasaha yo gukora ku munsi bagafunga n’amashuli kubera ibura ry’umuriro w’amashanyarazi muri iki gihugu.
Minisitiri ufite itangazamakuru mu nshingano, Jorge Rodriguez, yatangaje kuri televiziyo y’icyo gihugu ko abakozi bashobora gukora kugeza isamunani kugira ngo umuriro ushobore gusaranganywa bikwiye".
Abaturage ba Venezuela bugarijwe n’ibura ry’umuriro n’amazi
Bwana Guaidó yabwiye BBC dukesha iyi nkuru ko icikagurika ry’umuriro w’amashanyarazi n’ikena ry’amazi byatumye ibikorwa bicumbagira mu mavuriro, mu bubutwazi bw’ibintu n’abantu, no mu bindi bice bitandukanye byatumye abenegihugu barakarira leta ya Bwana Maduro.
Avuga ati: "Hari imyigaragambyo mu turere turenga 20 tw’umurwa mukuru Caracas, no mu zindi ntara za Venezuela.
"Abaturage barasaba ko bakongera guhabwa umuriro n’amazi, ariko kandi ko uwibye ubutegetsi, Nicolás Maduro, aburekura, ubwo bukaba aribwo butumwa nyamukuru".
Leta ivuga ko iryo kena ry’umuriro n’amazi ari ingaruka z’ukwigumura kw’abaturage n’imyigaragambyo yateguwe mu rwego rwo guhirika ku butegetsi Perezida Maduro.
Ariko, Bwana Guaidó avuga ko Perezida Maduro adashobora kuva ku butegetsi keretse mu gihe igisirikare cya Venezuela cyakwemera kumukuraho amaboko kigashyigikira Guaido ubwe.
Bwana Guaido kandi akaba yaramaganiye kure ibiherutse gukorwa n’igisirikare cy’abarusiya ubwo cyoherezaga indege muri Venezuela, kuri Guaido ngo ibi bikaba ari iturufu iri kwifashishwa na Maduro kugira ngo agaragaze ko hari abanmushyigikiye.
Kuwa gatandatu ishyiramwe ryita ku mabare, Croix Rouge (IFRC)rikaba ryaratangaje ko ibintu nibikomeza gutya muri Venezuela, rizatangira gutanga imfashanyo mu byumweru bibiri birimbere aho bazahera ku bantu bagera ku bihumbi 650 bakeneye ibyo kurya ndetse n’imiti. Ibi bikaba byaratangajwe na Francesco Rocca urihagarariye.
Mu kwezi kwa kabiri uno mwaka, leta ya Venezuela akaba yarabujije kwinjira imfashanyo zari zatanzwe na Leta Zunze Ubumwe za Amerika, aho leta yavuga ko ari amayeri ya Amerika yo gutera icyo gihugu.
Inkuru ya BBC
