Inzego z’Ubuzima muri Koreya y’Epfo zatangaje ko hagiye gukoreshwa urukingo rwa Phizer mu gukungira COVID-19 abana bafite imyaka iri hagati ya 5 na 11, mu rwego rwo kuzamura ubudahangarwa bw’abaturage.
Iyi ngingo bayifashe nyuma yaho virusi yihinduranyije, ya Omicron ishegeshe iki gihugu igashyira mu bitaro ibihumbi amagana abandi ikabatwara ubuzima.
Kugeza ubu ikigo cyo gukumira ibyorezo muri Koreya (KDCA) kivuga ko umunsi umwe wo kuri uyu wa Gatatu yanduye abantu 171,452. Kuva tariki 31 Ukuboza 2021 hamaze gupfa abantu 99 bitewe na virusi yohimduranyije ya Delta yari ikibazahaje, imikorere y’ibitaro yarananiwe.
Abarwayi barenga 500 kugeza ubu bari hagati y’urupfu n’umupfumu, kuva hagati muri Gashyantare, 2022.
Ibi byatumye Minisiteri ishinzwe ubuziranenge bw’ibiribwa n’imiti ivuga ko urukingo rwa Phizer rugiye kwifashishwa nk’urukingo rwa mbere ku bana bafite imyaka 5 kugeza 11 kuva muri uku kwa Gatatu.
Kugeza ubu Phizer ikoreshwa mu bihugu birenga 60 ku isi nk’urukingo rw’ibanze ku bana bari muri icyo kigero, mu bihugu birimo Amerika, ibyo mu muryango w’Ubumwe bw’Uburayi n’ibindi.
Akenshi abana bato bafatwa nk’abakwirakwiza virusi ya Covid-19 mu gihe usanga kandi bo itabazahaza, muri Koreya y’Epfo.
Muri iki gihugu kandi bageze ku baturage 86.4% bakingiwe, uhereye ku bafite imyaka 12, bivuze abarenga miliyoni 51 zakingiwe, naho 60% byayo bafashe urukingo two gushimangira.
