Kuva tariki ya 14 Kanama, imvura yaguye mu buryo budasanzwe imaze kwica abantu barenga 350, abandi amagana baburiwe irengero.
Uduce twibasiwe cyane harimo Swabi na Buner, aho inzu zasenyutse, ahandi haba isayo.
Imvura ikomeje kugwa, bigatuma ubutabazi butagera kubaturage, inzira zari zarafunguwe zongeye kwangirika bikomeye, ibinyabiziga bya gisirikare ntibishobora kugera mu baturage ’’Muri metero nke gusa, inzu yanjye yose yansenyukiye mu maso, nta kintu nakijije.” Sharif Khan, umwe mu bakoreraga ubucuruzi mu duce tumwe twangijwe n’imvura.
Amakuru y’ikigo gishinzwe iby’ubumenyi bw’ikirere metewoliji cyemeje ko imvura izakomeza kugwa kandi nyinshi mu minsi irimbere, ku buryo bizateza ibyago abaturage byo kwibasirwa n’indwara ziterwa n’umwanda .
Uretse ubuzima bwa muntu, amatungo nayo yibasiwe n’ibiza. Imibare igaragaza ko inzu 336 arizo zasenywe n’ibiza ,amashuri 57 arangirika ,ibikorwaremezo 23 nabyo birangirika. Miliyoni 255 z’abaturage zugarijwe n’ingaruka zikomoka kuri ibi biza byatewe n’imvura.
ISHIMWE Honore
