Perezida wa Koreya ya Ruguru, Kim Jong-un yagiriye uruzinduko muri Koreya y’Epfo, abe akoze amateka atarigeze abaho kuva mu 1953, yo kuba ari we mu Perezida wa Koreya ya Ruguru uba akandagije ikirenge mu iy’Epfo.
Nk’uko BBC ibitangaza, ngo Korea y’Epfo ivuga ko prezida wayo, Moon Jae-in abonana na perezida Kim ahagana saa 09:30 (00:30GMT) zo kuri uyu wa Gatanu tariki ya 27 Mata 2018.
Ibi biganiro by’akataraboneka ngo ahanini biribanda ku byo Koreya ya Ruguru iherutse gutangaza ko yafashe umwanzuro wo guhagarika igeregeza ry’ibisasu bya kirimbuzi.
Abasesenguzi mu bya politiki bakavuga ko uku kubonana bishobora kuzana umwuka mwiza hagati y’ibihugu byombi byari bimaze imyaka isaga 60 birebana ay’ingwe.
