Yanditswe na Nimugire Fidelia
Umusirikare w’ingabo za Uganda woherejwe muri Repubulika Iharanira Demokarasi ya Congo yivuganye abasirikare bagenzi be babiri ku butaka bwa Congo mu Burasirazuba bw’umujyi wa Beni.
Ni umusirikare woherejwe muri Congo mu Gushyingo 2021 ku butumwa bwo guhangana n’umutwe witwara gisirikare wa Allied Democratic Forces (ADF) uhora uzengereza ubutegetsi bwa Museveni.
Uyu musirikare yarashe bagenzi be babiri, bakorana mu ngabo z’umutwe uhuriweho w’ibikorwa bya gisirikare wa Congo na Uganda.
Umuvugizi w’Umutwe uhuriweho w’ibikorwa bya gisirikare wa Congo na Uganda, Lieutenant-Colonel Mak Hazukay, yabwiye abanyamakuru ko iraswa ryabereye mu muhanda uhuza Beni n’Amajyaruguru y’Uburasirazuba bw’umujyi wa Kasindi, uherereye mu Burasirazuba bwa Congo mu gace k’Umusozi wa Rwenzori. “Atabishaka yarekuriye umuriro kuri … bagenzi be babiri.
Abarashwe ni umusirikare umwe wo ku ruhande rwa Congo n’undo wok u ruhande rwa Uganda bakaba bahise bahasiga ubuzima n’uwakoze icyaha yahise atabwa muri yombi.
Yongeyeho ko umusirikare umwe wo muri Kongo n’umusirikare umwe wa Uganda bishwe.
Umuvugizi w’igisirikare cya Uganda (UPDF), Brig Felix Kulayigye yabwiye abanyamakuru ko nawe yabonye amakuru ku ruhande rw’umutwe wa ziriya ngabo zihuriweho.
Ingabo za Uganda bwa mbere zoherejwe muri Congo mu Gushyingo 2021 kurwanya umutwe wa ADF.
Ingabo za Uganda n’iza Congo zirimo kurinda umuhanda mukuru wa Beni-Kasindi, ahari Kompanyi ya Uganda irimo kubaka umuhanda ku masezerano ari hagati y’igihugu byombi.
