Yanditswe na Imfurayabo Pierre Romeo
Ishyaka riri ku butegetsi mu gihugu cya Uganda ryatanze Yoweri Museveni nk’umukandida w’umukuru w’igihugu mu matora ategekanijwe mu 2021.
Museveni w’imyaka 74 yaje ku butegetsi mu 1986, azaba agiye kuyobora igihugu cya Uganda kuri manda ya gatandatu.
Mu nama yari iyobowe na Bwana Museveni kuri uno wa gatatu, ishyaka "National Resistance Movement" (NRM) ryumvikanye ariwe ukwiye "gukomeza kuyobora Uganda no muri 2021 na nyuma yaho, kugirango afashe gukura inzitizi zibuza impinduka".
Agera ku buyobozi muri Uganda kuri manda ya 5 muri 2016, yavuze ko atari igihe cyo kuva ku butegetsi, avuga ko ubu aribwo afite akazi kenshi ko gukora.
Abaye umukandida mu matora yenda kuba muri Uganda nyuma yaho yemeje mu 2017 itegeko rihanagura imyaka ntarengwa y’amavuko mu kwiyamamaza k’umukandida wiyamamariza umukuru w’igihugu.
Amategeko ya mbere y’icyo gihe akaba yaravugaga ko uwiyamamaza atagomba kuba arengeje imyaka 75.
Intekonshingamategeko ya Uganda ikaba yatangiye kumva no gukurikirana urubanza rwabadashaka iri tegeko guhera mu kwezi gushize.
Muri ino myaka ibiri isigaye ngo igihugu kijye mu matora, umunyapolitike bagiye guhangana ni umuririmbyi uzwi cyane Bobi Wine.
BOBI WINE uzaba uhanganye na Museveni mu matora ateganyijwe 2021
Src/BBC
