Yanditswe na Samuel Mutungirehe
Rishi Sunak wahoze ari minisitiri w’Imari niwe umaze gutorerwa kuba Minisitiri w’Intebe w’Ubwongereza.
Ni nyuma y’iminsi mike uwari kuri uwo mwanya, Liz Truss yeguye kuri izo nshingano.
Kuri uyu wa kabiri, Sunak w’imyaka 42, yabaye minisitiri w’intebe ku mugaragaro nyuma yo kubonana n’umwami Charles ku ngoro ya Buckingham, aho yahawe uruhushya mu muhango uzwi cyane mu Bwongereza nko gusomana amaboko.
Sunak ni minisitiri w’intebe wa gatanu w’Ubwongereza mu myaka itandatu, uwa gatatu mu gihe kitarenze amezi abiri. Niwe muyobozi wa mbere w’Ubwongereza ukomoka muri Aziya y’epfo, minisitiri w’intebe wa mbere w’Abahindu. Ni nawe minisitiri w’intebe muto muto w’ibihe kuva Ubwongereza bwabaho.
