Umugore w’Umushinwa wabaswe n’urusimbi witwa Mahjong,yakoze amahano ubwo yafataga umwana we warimo arira amushyira munsi y’intebe ayicaraho aho kugira ngo amwiteho.
Uyu mugore yanenzwe na benshi nyuma yo gufata agatebe ka plasitike yari yicayeho agashyira munsi umwana we kugira ngo atamubuza gukina urusimbi byatumye uyu mwana abura uburyo bwo gusohoka ngo yisanzure.
Amarira y’uyu mwana muto yirengagijwe na nyina ndetse nkuko amashusho yagiye hanze yabigaragaje ,uyu mubyeyi gito ari guhiga bukware na polisi, we na bagenzi be kuko urusimbi rwa Mahjong bakinaga rutemewe mu Bushinwa.
Abapolisi bakomeje iperereza ndetse babwiye abaturage bazabiranyijwe n’uburakari kubera uyu mubyeyi gito ko ari guhigwa bukware ndetse bari gushakisha uwafashe aya mashusho kugira ngo abafashe kubona aba banyabyaha bakoraga ibikorwa bitemewe.
