Zakia Hussen Ahmed wari Colonel yazamuwe mu ntera agirwa Brigadier Jenerali, aba umugore wa mbere uhawe ipeti ryo kuri uru rwego mu mateka ya Polisi ya Somalia.
Umuhango wo kwambika amapeti abapolisi bazamuwe mu ntera barimo na Brigadier Jenerali Zakia Hussen Ahmed wabereye mu Kigo cya Gipolisi i Mogadishu ku wa 26 Kanama 2018.
Minisitiri w’Intebe muri Somalia, Hassan Ali Khayre, yashimangiye ko uruhare rw’abagore mu gihugu rukwiye kubahwa.
Yagize ati “Ndashishikariza abagore bo muri Somalia kutiha intego nto. Nakwishimira ko mwifuza kuzavamo Perezida na Minisitiri w’Intebe b’igihugu.”
Ku wa 16 Kanama 2018, nibwo Perezida wa Somalia, Mohamed Abdullahi Farmajo, yazamuye Zakia Hussein Ahmed ku ipeti rya BrigadierJenerali, anamuha inshingano zo kuba Umuyobozi wungirije wa Polisi.
Izi mpinduka zanakozwe mu gisirikare ziri muri gahunda ya Guverinoma yo kuvugurura imikorere y’inzego z’umutekano.
