Ubwo bageraga imbere y’abanyamuryango ba FPR Inkotanyi, abakandida depite b’umuryango babwiye abaturage ko bagendera ku mabanga atatu azatuma batora umukandida Perezida, Paul Kagame n’umuryango FPR.
Babitangaje kuri uyu wa kabiri ubwo abakandida depite aribo Nabahire Anastase, Uwineza Beline na Mpinganzima Aline Benigne bahagarariraga abandi 80 ba FPR Inkotanyi bari mu kwiyamamaza mu karere ka Rwamagana.
Ni igikorwa cyabereye mu mujyi rwagati wa Rwamagana, mu murenge wa Kigabiro, akagari ka Cyanya, mu mbuga y’umudugudu wa Rurembo ahahuriye abanyamuryango ba FPR Inkotanyi baturutse mu mirenge yose igize aka karere.
Kandida depite Uwineza Beline na Mpinganzima Aline Benigne basuhuje abanyamuryango barababibwira, bigeze kuri Nabahire Anastase ababwira ibintu bitatu bazirikana.
Yabanje kubashimira ubwitange bwabo bagaragaza muri byose, abashimira n’umutima w’Inkotanyi ubabamo ugatuma barushaho gukora ibyiza n’abikorera igihugu kugeza ku myiteguro bakoze.
Nabahire yakomeje ashimira abanyamuryango ba FPR Inkotanyi muri Rwamagana kubera ibanga ry’umuryango bagendana.
Ati: "Ibanga ryacu ni iryongiryo, ni ubumwe bwacu."
Demokarasi, guha Umunyarwanda mutoya, ingimbi, umusore, umwangavu, umukecuru, umusaza umwanya ukwiye mu miyoborere y’igihugu, mu myubakire yacyo, mu kwihitiramo abayobozi cyane cyane mu bushishozi no guhitiramo Intore Izirusha Intambwe. Ni Demokarasi, niyo twubaka, niwo muco FPR Inkotanyi imaze gukwira mu gihugu kandi mwebwe uko mungana n’abandi batari ahangaha bari hirya no hino mu gihugu tugiye gushyiraho igikumwe cyacu tariki ya 15 Nyakanga."
ibanga rya Gatatu aba bakandida depite babwiye abanyamuryango ba FPR Inkotanyi muri Rwamagana ni umusaruro, amajyambere arambye, ashimishije, yubaka buri muntu mu buzima bagakomeza gushimangira ubumwe no gushimangira abenegihugu bagihagazeho, bacyubahisha mu gihugu no mu mahanga.
Mu bindi byabereye muri uku kwamamaza ni ubuhamya bwa mwalimu, wavuye ku kwigisha agahera ku gishoro cya miliyoni ebyiri akaba nawe afite ishuri ryiza ririmo guteza imbere uburezi mu Rwanda ahikesha Paul Kagame na FPR Inkotanyi bashyize igihugu ku murongo amahirwe agahabwa buri wese nta vangura.
Amatora y’Umukuru w’Igihugu n’ay’Abadepite ateganyijwe kubera umunsi umwe muri Nyakanga, tariki 15 umwaka wa 2024.
Samuel Mutungirehe
