Abanyarwanda bashyiriweho urubuga rwo kureberaho amakuru y’ibijyanye n’imikoreshereze y’ubutaka bikazanafasha igihugu kugera ku ntego cyihaye ya 2050 nta nkomyi.
Ni urubuga rwahawe izina rya "Amakuru ku butaka", rukorera ku murongo wa YouTube, inzobere mu by’ubutaka n’imicungire y’ibishushanyombonera Geo planning company ldt banyuzaho ibiganiro bisobanurwa buri kimwe ku makuru ku butaka.
Kuri uyu wa Gatanu tariki ya 28 Nzeri 2024 nibwo hatangizwaga igikorwa cyo kumenyekanisha uru rubuga.
Umuyobozi w’Ikigo Geo planning company ldt, Barahira Evariste, yatangaje ko ubutaka bw’igihugu Burimo ibyiciro bitandukanye bijyanye n’icyo bugenewe gukoreshwa mu miturire.
Yagize ati: "Twe tuje kubaha amakuru ku butaka, ahantu aho ariho hose, ku buryo utazahirahira unyuranya nabyo cyangwa uvuga ngo ntiwari ubizi. tuzabasobanurira ibyemewe muri R1, 2, 3 na 4 n’ibibujiwe, tubasobanurire ibyemewe muri buri zone ku buryo hatazagira ugwa muri uwo mutego.
Ahantu hagenewe gutura hari zone zitandukanye, hari ahitwa muri R1, R2, R3 na R4. Ni mu gice cyagenewe gutura ariko ubuso bw’ikibanza ntarengwa kuri buri kibanza buba bugiye gutandukanye ariko byose bikorwa hagamijwe kugira ngo abantu bature bacucitse, abantu bature ku buso butoya ari benshi."
ikigo Geo planning company ldt kivuga ko cyiteguye gukora ibiganiro bitandukanye ku rubuga rwacyo Amakuru ku Butaka, birimo n’ibijyanye n’ibyifuzo by’abarukurikira, bakazajya bagira uruhare mu gusaba ibiganiro ku ngingo babona irimo kuzamo ibibazo ku makuru ku butaka.
ku ruhande rw’Ikigo cy’igihugu cy’ubutaka, umukozi wacyo ...yavuze ko bishimira umusanzu ukomeye w’iki kigo cyashinze uru rubuga, ko bizatuma amakuru ku butaka arushaho kugera kuri buri wese uko babyifuza bityo ntihongere kugira unyuranya n’amategeko y’imikoreshereze y’ubutaka.
Akomeza agira ati: "Icyo bita national land development masteraplan yakozwe yagaragaje uburyo ko ubutaka bugomba kujya bukoreshwa, aho ubutaka bwo guturaho, imihanda n’ibindi bikorwa remezo bugomba kuba hangana na 15% by’ubuso bwose bigize igihugu, aho guhinga hagomba kuba hangana na 47.2%, mu gihe ahagenewe amashyamba ndetse n’ibyanya bikomye hangana na 30% noneho amazi yo akaba angana na 8% ndetse n’ibishanga bikomye byemejwe."
Urugaga rw’inzobere mu Kwita ku batunganya igenamigambi, Rwanda urban planers institute, ari narwo Geopalnning company ldt ibarizwamo, ashimira Geopalnning company kuba nashyizeho umwanya wo gusobanurira abaturage amakuru batabashaga kuboneka Igihe bayashakiye.
Yagize ati: "Uru rubuga ruzadufasha cyane mu bukangurambaga kugenda kugera mu nzego zose, mu baturage bakabasha gusobanukirwa; buri wese naba asobanukiwe ko ubuhinzi bugomba guhabwa umwanya igihe tugiye gutekereza ahantu ho gutura buzafasha izo nzego.
Kugeza ubu mu Rwanda habarurwa site 3000 zo guturaho zemejwe mu gishishanyombonera cy’igihugu, hakaba n’imigi 101 yo guturamo.
Ikigo Geo planning company ldt kivuga ko nyuma yo gushyiraho uru rubuga rw’ikiranabuhanga rwanatekereje ku baturage bataragera mu ikoranabuhanga, aho bazajya babasanga mu mahuriro atandukanye bagira, nk’umuganda rusange, mu nteko z’abaturage, ku isoko n’ahandi bashobora gutera ihema bakahatangira ayo makuru.
Yanditswe na Samuel Mutungirehe
