Abakobwa bahataniye ikamba rya Nyampinga w’u Rwanda bageze i Nyamata aho bagiye kumara ibyumweru bibiri bakorera umwiherero w’iri rushanwa uzasozwa hamenyekana uwatsindiye ikamba. Bacyinjira mu mwiherero kuri iki cyumweru tariki 13 Mutarama 2019 baraye basangiye ifunguro rya mbere.
Bahagurutse i Kigali mu masaha yo ku mugoroba wo kuri iki Cyumweru bagera kuri Golden Tulip Hotel bahita bahabwa ibyumba bazacumbikamo mu minsi bazahamara. Aba bakobwa bashyizwe mu byumba nta kindi kigendeweho, bazajya bararana ari babiri babiri n’ubwo hari abazagenda basezererwa hakaba hagira abasigara bonyine.
Mu mwiherero ugiye kubera i Nyamata nk’uko bisanzwe, aba bakobwa bazamarayo icyumweru ariko mu cya cyumweru kabiri hazajya hataha umukobwa umwe umunsi ku munsi nk’uko byatangajwe mu mpinduka nshya zinjijwe muri iri rushanwa.
Mu muhanda abakobwa berekeza i Nyamata mu mwiherero
Berekeje mu byumba byabo
