Komisiyo y’Igihugu y’Amatora (NEC) yatangaje urutonde rw’agateganyo rw’abemerewe kwiyamamaza ku mwanya wa Perezida wa Perezida wa Repubulika, abujuje ibisabwa ni Perezida Paul Kagame w’Umuryango FPR Inkotanyi, Philippe Mpayimana, Umukandida wigenga na Frank Habineza w’Ishyaka Democratic Green Party of Rwanda.
Abandi bakandida ku mwanya wa Perezida bisanze ku rutonde rw’abatujuje ibisabwa ni Manirareba Herman, Barafinda Sekikubo Fred, Habimana Thomas, Rwigara Diane, Mbanda Jean na Hakizimana Innocent.
Ibyo abakandida batemerewe batari bujuje
Herman Manirareba
Komisiyo y’Igihugu y’Amatora yatangaje ko atatanze Lisiti y’abantu 600 bemerewe gutora bashyigikiye kandidatire ye.
Hakizimana Innocent
Ntiyujuje abantu nibura 12 bafatiye ikarita ndangamuntu mu Karere ka Nyagatare na Gatsibo bari no kuri Lisiti y’Itora y’utwo turere.
Mu Karere ka Nyagatare, Gatsibo, Kirehe harimo nimero z’ikarita ndangamuntu z’abamushyigikiye zirimo zimwe zitari zo, izindi zitabaho ndetse n’izidahuye n’amazina ari kuri lisiti yatanze.
Perezida wa NEC, Oda Gasinzigwa, yatangaje kandi ko mu basinyiye Hakizimana Innocent, hari abagaruka kuri lisiti irenze imwe nyamara imikono yabo itandukanye.
Hari kandi abagaragara kuri Lisiti y’abamushyigikiye bemeza ko batamusinyiye.
