Bamwe mu baturage bo mu murenge wa Mukamira mu karere ka Nyabihu baravuga ko amazi aturuka muri Pariki y’Igihugu y’Ibirunga arimo kububikira nijoro akaruhukira mu ngo zabo, ibintu bishobora no kugira ingaruka ku mibereho y’abaturage birimo no kuhatakariza ubuzima.
Aba baturage babitangarije umunyamakuru wa mamaurwagasabo ubwo yageraga mu kagari ka Kanyove muri uyu murenge wa Mukamira aho yasanze amazi yigeze mu ngo z’abaturage andi agasandara mu mirima.
Umwe muri aba baturage, Uzamukunda Jacquiline yagize ati: "Dufite impungenge zikomeye kubera aya mazi ari kujya aza kutwubikira aturutse mu birunga, hano nta mvura yaguye ariko twagiye kubyuka dusanga umwuzure waduteye, ubu nta myaka tuzasarura murabona ko imirima yacu yarengewe."
Bayavuguribusa Adelifine nawe yagize ati:"Ubu turi kurara duhagaze kubera kwikanga ko aya mazi yatwara ubuzima bwacu, urabona ko ingo zakikijwe n’amazi, nta muntu wamenye ko huzuye tubyutse mu gitondo dusanga bimeze gutya , ubu kiba twapfuye , gusa hari bamwe batangiye gusembera none se iriya nzu ikikijwe n’amazi wayiraramo.turasaba ko ubuyobozi bwabashakira igisubizo."
Undi muturage witwa Bunane hategekimana yagize ati:" Iri Joro amazi yageze hano saa 14h30’ nijoro, araza aratwubikira murabona uburyo yafunze inzira , baravuze ngo hari ibibare byo kuyamira ariko ntabwo biyashoboye , ni kumwe wumva ngo abantu bapfuye mu gihe ubuyobozi bwakomeza kurebera , bamwiye kutwimura hano tukava muri ibi biza dukwiye gutabarwa hakiri kare."
Umuyobozi w’Akarere ka Nyabihu wungirije ushinzwe imibereho myiza y’abaturage Bwana Simpenzwe pascal yavuze ko bagiye gusura aba baturage bakamenya imiterere y’ikibazo n’icyakorwa."
Yagize ati:"Turabasura tumenye imiterere y’ikibazo n’icyakorwa."
Bimwe mu bikorwa remezo muri uyu murenge birimo ibiro by’Akagari ka Kanyove kuri ubu ntabwo birimo gutanga serivisi kubera ko byakikijwe n’amazi, n’abaturage bamwe bagiye gucumbika mu baturage kubera inzu zabo zarengewe n’amazi.
Yanditswe na Jean Claude Ndayambaje
