Perezida wa Repubulika Kagame Paul yashyizeho Minisitiri mushya w’Umutekano, Bwana Alfred Gasana.
Itangazo rivuye mu Biro bya Minisitiri w’Intebe kuri uyu wa Gatanu tariki ya 10 Ukuboza 2021, ritangaza ko Perezida wa Repubulika Paul Kagame mu bubasha ahabwa n’Itegeko nshinga, yashyizeho Bwana Alfred Gasana nka Minisitiri mushya ushinzwe Umutekano mu Rwanda.
Minisiteri y’Umutekano yaherukaga kuyoborwa na Gen. Patrick Nyamvumba, wakuweho na Perezida Paul Kagame ku wa 27 Mata 2020 nyuma y’amezi atanu gusa ayiyobora, kubera amakosa ajyanye n’inshingano ze yari arimo gukorwaho iperereza.
