Dr John Grace Walugembe, abaye umuganga wa Gatanu uhitanywe na Ebola muri Uganda nyuma y’abandi baturage bagera kuri 20 imaze guhitana.
Uyu yakoreraga mu Karere ka Mubende, ahagaragaye bwa mbere iki cyorezo. Yapfuye ku mugoroba wo kuri iki Cyumweru.
Uganda yibasiwe na Ebola ku buryo bukomeye, byanatumye Perezida Museveni afata ingamba zo gukumira urujya n’uruza mu turere tubiri irimo cyane Mubende na Kassanda.
Amakuru atangazwa n’inzego z’ubuzima avuga ko umuganga wa gatanu yahitanywe n’iki cyorezo ku mugoroba wo ku Cyumweru.
Ibyago byo kuba umuntu yahitanwa na Ebola, biri hejuru cyane ugereranyije n’ibindi byorezo nka Covid-19, aho imibare ya OMS igaragaza ko biri hagati ya 25 na 90%. Nka Covid-19 yo byavugwaga ko ibyago byo kuba yahitana umuntu biri kuri 3%.
Nibura ubu muri Uganda hamaze gupfa abantu 20 bishwe na Ebola.
