Yanditswe na Mutungirehe Samuel
Kuri uyu wa Gatatu tariki ya 25 Gicurasi 2022 urukiko rw’ibanze rwa Kicukiro rurekuye Miss Rwanda 2017, Iradukunda Elsa, ukurikiranyweho ibyaha byo guhimba inyandiko hagamijwe gushinjura Ishimwe Diedonne, AKA, Prince Kid ku byaha akurikiranyweho byo gushaka inshimishamubiri.
Ni umwanzuro urukiko rufashe nyuma yo gusuzuma dosiye irega Miss Rwanda 2017 Iradukunda Elsa no kumva ubusabe b’ubushinjacyaha bwasabye ko butagikurikiranye dosiye y’uwo bwashinjaga, bivuze ko bwasoje ibyo rwashakaga kuri dosiye ye bityo arekuwe by’agateganyo.
Ibi kandi ngo biriyongeraho no kuba Miss Iradukunda yaremeye gutanga uruhare rwe mu butabera ku byaha Ishimwe Diedonne akurikiranyweho kugeza ubu.
Miss Iradukunda kandi yeretse urukiko ko agifite gukomeza amashuri ye n’akazi ke ka buri munsi bityo atagora urukiko ku cyo rwamukeneraho.
Twobitse ko icyaha cyo gukurikiranwaho impapuro mpimbano kuko noteri wemeje impapuro yaregerwaga atakizikurikiranyweho nawe ubwe.
