Urukiko rw’Ibanze rwa Gasabo rwahamije Iraguha Prudance icyaha cyo gutuka mu ruhame, icyaha yakoreye Umunyamakuru Mutesi Scovia, nyuma yuko atamutumiye mu kiganiro asanzwe akora rumukatira igifungo cy’amezi 2 asubitse n’indishyi ya 20.000.
Umunyamakuru Scovia Mutesi yaregeye Urukiko rw’Ibanze rwa Gasabo uyu Iraguha Prudence nyuma yo kumutukira ku mbuga nkoranyambaga ubwo atari yamutumiye mu kiganiro asanzwe akorera kuri Flash TV.
Urukiko rwasomye umwanzuro w’uru rubanza kuri uyu wa Gatanu, tariki ya 1 Mata 2022, ni urubanza rwari rumaze iminsi rutegereje gusomwa nyuma isomwa ryimuwe inshuro imwe.
Urukiko kandi rwategetse ko Bwana Iraguha Prudance ko yishyura ibihumbi 500 Frw by’umunyamategeko wunganiye uwo yatutse ndetse n’igarama y’ibihumbi 10 Frw.
Byose hamwe harimo n’indishyi z’akababaro, Iraguha yaciwe ibihumbi 530 Frw.
