Ndayambaje Jean Claude
Ikipe y’ingabo z’igihugu APR FC nyuma yo gusezererwa na Etoile Sportive du Sahel yo muri Tunisia yisanze igifite andi mahirwe, mu gakangara ka gatatu mu mikino y’ijonjora rya Gatatu muri CAf Confederation cup.
Kuri uyu wa Kabiri tariki ya 26 Ukwakira2021 abakunzi b’umupira w’amaguru by’umwihariko aba APR Fc bafite amatsiko yo kuzamenya ikipe bagomba kuzahura nayo mu mikino ya Kamarampaka muri CAF confederation cup ku makipe yasezerewe muri CAf champions league hakazavamo amwe agomba kwerekeza mu matsinda ya CAF confederation cup.
APR FC iri kumwe n’amakipe yananiwe kurenga ijonjora rya Kabiri muri CAf champions league
Ayo makipe ari kumwe na APR fc ni Royal, Tusker fc yo muri Kenya , Leopards yo muri Eswatini, US Gendarmerie yo muri Niger, LPRC Oils yo mu gihugu cya Liberia, AS Maniema Union yo muri Repubulika iharanira demokarasi ya Congo, Al Ittihad SC yo muri Libya, Stade Malien yo muri Mali na Hearts of oak yo muri Ghana Aya makipe yose akazishakamo agomba kwerekeza mu matsinda .
Amakipe yose ari mu gakangara ka Kane arimo - RS Berkane yo mu gihugu cya Maroc, Pyramids FC yo mu Misiri, JS Kabylie yo muri Algeria, Enyimba FC yo muri Nigeria, CS Sfaxien yo muri Algeria, Coton Sport yo muri Caméroun, Orlando Pirates yo muri Afurika y’Epfo na Al Masry yo mu Misiri.
Tombora nirangira nibwo hazamenyekana uburyo aya makipe azahura; abakunzi ba APR Fc banyotewe n’itsinzi bategerejanyije amatsiko ikipe bazesurana nayo nyuma yaho banyagiwe na Etoile Sportive du Sahel ibitego 5-1 mu giteranyo cy’imikino yombi.
