Amakuru aturuka mu mugi wa Butembo wo mu ntara ya Kivu y’Amajyaruguru aravuga ko abantu hafi icumi bapfuye mu mishyamirano yadutse hagati y’imitwe ibiri y’abarwanyi ba Wazalendo.
Uko gushyamirana, RFI yatangaje ko kwabaye tariki ya 3 Werurwe 2025, kukaba kwamaze amasaha atari make mu duce twa Kimemi muri uwo mugi.
Umuvugizi w’igisirikare cya DRC muri ako gace yabwiye iki kinyamakuru ko bitumvikana ukuntu abantu umukuru w’igihugu yise intwari zitanga ngo congo itsinde urugamba ari bo barangwa n’iyo migirire.
Yabitangaje ubwo yari amaze kumenya ko batandatu muri bo bahasize ubuzima.
Yagize ati: "Biteye isoni. Nimba koko bakunda igihugu, bategerejweho kudufata mu mugongo."
Amashyirahamwe adaharanira imyanya ya poritike yo avuga ko hapfuye abagera ku icumi ku mpande zompi.
