Imirwano yubuye muri Teritwari ya Nyiragongo mu Burasirazuba bwa Congo, aho Ingabo za Leta FARDC nabyutse zirwana n’iza M23 mu misozi ya Kibumba, humvikana intwaro ngo n’iziremereye.
Kugeza ku Masaya ya kumanywa, imirwano yasaga nkaho yabaye ihagaze, nyuma y’imirwano ikomeye yaramutse iba muri iyi teritwari ya Nyiragongo, yakurikiye iyindi yabaye kuri uyu wa Gatatu n’ijoro.
Iyi mirwano yobanze mu bice nka Kanyabuki, Kayamahoro, Mu Mabere y’Inkumi, kwa Mama Olive.
Uruhande rwa FARDC ngo nirwo rwatangije iyi mirwano, aho kuri iyi shuro FARDC, ifashijwe n’abacashuro bakoresheje drones zirenga 40 zigaba ibitego kuri M23, ndetse biravugwa ko uyu mutwe wamaze kurasamo 2.
Muri iyi mirwano yo hafi yo mu kibaya cyigera i Goma, kandi FARDC nyuma yuko ngo yari maze iminsi itegura mu buryo bukomeye gutera M23 ahangaha, ngo irigukoresha abarwanyi batari bake, ndetse haba MONUSCO, SADC, Abarundi, FDRL, aba bose baravugwa ko bari gufasha FARDC muri iyi mirwano.
Hari impunge zivugwa ko uruhande rwa FARDC, ifite ko M23 yakoresha iki kibaya ifata umujyi wa Goma. M23 ngo yaba yamaze gukuramo defense zigera kuri 3 zabo ku ruhande rwa FARDC, aho muri Nyiragongo.
Mu gihe FARDC ikaba yarateye M23 muri Nyiragongo ari nako ibikorera rimwe no kuyatakana ahitwa Karenga hafi na Sake muri Masisi.
Bitandukanye nuko byari bimaze iminsi ishize, ubu twavuga ko imirwano yongeye gusatira umujyi wa Goma, kuko haba aha Karenga ndetse no mu kibaya ni hafi yaho, hari kandi ubu urwikekwe rwongeye kwiyongera, muri uyu mujyi ko M23 yawufata.
Nubwo byavuzwe ko FARDC ariyo yatangije imirwano, Sosiyete sivile muri aka gace yavuze ko abarwanyi ba M23 aribo batangije imirwano, bataka ibirindiro by’ingabo za FARDC, nazo zirwana zibabuza kwerekeza i Goma.
Umuvugizi wa Sosiyete sivile yagize ati: "Umuhanda Goma-Rutshuru wafunzwe guhera mu rukerera rwo kuri uyu wa Kane biturutse ku mirwano hagati ya FARDC na M23 ahitwa Kanyabuki."
Kurwana berekeza i Goma bikaba byateye abasesenguzi mu by’intambara zo mu Burasirazuba bwa Congo, bibaza niba uyu mutwe w M23 waba wavuye ku k’ejo, ushaka gufata Goma nk’uko wabigenje mu 2013 ariko ukayamburwa shishira itabona.
