Inkuru dukesha TV5 Monde ivuga ko muri iki gihugu hacitse igikuba ,nyuma y’ifungwa ry’abasirikare bakomeye ndetse n’abapolisi basanzwe bafite amazina atoroheje .Hari ababihuza n’umugambi wo guhirika ubutegetsi, abandi bakabisanisha n’ukwivanga kw’ibihugu by’amahanga by’umwihariko Ubufaransa.
Bamwe muri aba basirikari barimo Gen. Abass Dembélé, wahoze ari Guverineri w’akarere ka Mopti, uyu yafatiwe i Kati, hafi ya Bamako, aho yashakaga ko hakorwa iperereza ku bwicanyi bw’abasivili bwabereye ahitwa Diafarabé, ubwo yari akiri muri uwo murimo. Undi ni Gen. Néma Sagara, ukuriye ingabo zirwanira mu kirere (Air Force Brigadier General. Batangiye gukurikiranwa guhera tariki ya 1 Kanama 2025, ubwo hamenyekanaga umugambi wabo wo kugerageza guhirika ubutegetsi.
Hari amakuru avuga ko mu bafunzwe harimo abasirikare barenga 45, harimo n’abapolisi (National Guard) n’abandi bafite aho bahuriye n’ibi byaha.
Malick Konaté , umunyamakuru wo mu gihugu cya Mali yabwiye TV5MONDE ko itabwa muri yombi ry’aba basirikari ryateye ubwoba ubutegetsi. Aba basirikari bakaba ari bamwe mu bagize uruhare rukomeye mu guhanga n’imitwe y’iterabwoba muri aka karere.
Itabwa muri yombi ry’aba basirikare ryatangajwe kuri Televisiyo y’igihugu na Minisitiri w’umutekano.
Ishimwe Honore
