Komisiyo y’Igihugu y’Amatora, NEC, yatangaje bwa burundu, ko Paul Kagame ari we wegukanye intsinzi y’amatora y’Umukuru w’Igihugu yabaye tariki ya 15 Nyakanga 2024.
Ni ibyavuye mu matora y’Umukuru w’Igihugu n’ay’Abadepite yabaye hagati ya tariki 14-16 Nyakanga 2024.
Amajwi ya burundu yatangajwe kuri uyu wa Mbere tariki 22 Nyakanga 2024, agaragaza ko Paul Kagame ari we watorewe kuyobora u Rwanda mu myaka itanu iri imbere aho yagize 99,18%.
Dr Frank Habineza yagize 0, 50% mu gihe Mpayimana Philippe yagize 0, 32%.
Muri rusange abatoye bose hamwe ni 8,907,867 bangana na 99,86% by’abagombaga gutora.
