By Imfurayabo Pierre Romeo
Portia Mngomezulu yize ibijyanye n’ikoranabuhanga ndetse araminuza, akora mu bigo bitandukanye ari umu enjeniyeri. Ubwo yabyaraga umwana we w’imfura muri 2010, byamuhaye amahirwe yo kubonana na nyirabukwe waje gutuma ahinduka uwo ariwe ubu.
Nyuma yo kuganira na nyirabukwe warufite ibishishi mu maso akamubwira ko bishobora gukizwa n’ibibabi by’amarura, Portia yibutse ko I Phalaborwa, agace k’icyaro yakuriyemo habaga ubu bwoko bw’ibiti, niko gufata urugendo yerekezayo.
Ibibabi yakuyeyo akabivurisha nyirabukwe, byahise bimuha igitekerezo cy’uburyo yakwifashisha ubu bwoko bw’ibiti Atari mu kuvura abafite ibishishi, cyangwa ibiheri gusa, ahubwo mu gufasha abagore kugira ubwiza butewe n’aya mavuta.
Nyuma yo gukorera ibigo bitandukanye by’ikoranabuhanga, yahise agira igitekerezo cyo kwikorera. Uko niko yafasha make mu mafaranga yarafite angana n’bihumbi 200 cy’ama Rand akoreshwa muri Afrika y’Epfo.
Ashinga uruganda ariko ruto yise Portia M Skin Solutions Ltd, aho akora amavuta yitwa Portia M Skin, amavuta afasha uruhu mu kugarura ubwiza bw’umwimerere mu gihe uruhu rwangiritse.
Bamwe mubo aya mavuta yafashije
kugeza ubu aboneka muri DRC, Zambia, Botswana na Namibia akaba anakoresha abakoze bagera kuri 27 kandi akora amasaha yose.
M Skin Solutions yatwaye igihembo mu mwaka wa 2018 cy’imwe mu ma kampani mato yabashije kugeza ibicuruzwa byayo kure hakurya y’imbibi.
Mu gihugu cya Africa y’Epfo, Portia M Skin Solutions ifite ububiko bugera kuri 432 mu gihugu cyose. Gusa akaba anateganya kubikwirakwiza hafi mu bihugu byose by’Afrika.
