Abanyururu basaga 100 muri Repubulika iharanira Demokarasi ya Congo kuri uyu wa Mbere batorotse Gereza ya Bandundu iherereye mu Ntara ya Kwilu.
Ubutumwa bw’Igipolisi cya Congo, bwanyuijwe kuri twitter buravuga ko abanyururu 105 muri 302 bari bafungiye muri Gereza ya Bandundu batorotse.
Ubu butumwa bukomeza buvuga ko abo banyururu batorotse bigizwemo uruhare na bamwe mu bashinzwe kurinda gereza kuko batorotse batanishe urugi bakabasha gutoroka ku bwinshi gutyo banyuze ku irembo rinini.
Amakuru agera ku rubuga Politico.cd dukesha iyi nkuru aravuga ko abanyururu 12 mu batorotse baje kongera gutabwa muri yombi muri iri joro ryo kuri uyu wa mbere.
