Ndayambaje Jean Claude
Xavi Hernandez, wagize ibihe byiza mu ikipe ya FC Barcelona niwe ugiye kuyitoza nk’Umutoza Mukuru nyuma yuko iri mu bihe bibi yifuza gusohokamo.
Ikipe yo muri Quatar yitwa Al Sadd yamaze kwemerera Xaxi ko yakwerekeza muri Espagne gutoza Fc Barcelona, mu minsi yashyize iyi Kipe ikaba yari yaranze Kumuha uburenganzira bwo gusohoka muri iyi Kipe kuko yari agifite amasezerano yayo agera ku myaka ibiri.
Hernandez ufite igikombe ari kumwe na Messi
Uyu Mugabo w’imyaka 41y’amavuko ubwo yari umukinnyi yakinnye imikino 779, atwara ibikombe 25 ubwo yari muri FC Barcelone ndetse ubwe yatangaje ko ashaka gusubira mu rugo akajya gutoza Barcelona.
Ikipe ya Al Sadd yatangaje ko fc Barcelona yamaze kwishyura ibyari bikubiye mu masezerano ya Xavi ku buryo bemeye kumurekura ngo asubire muri Espagne nkuko yabyifuje ko yasubura i muhira.
Umunyabigwi Hernandez yatwaye Igikombe cy’Isi mu 2010 na UEFA Champions League inshuro ebyiri, yatandukanye na FC Barcelone mu 2015, ajya muri Quatar mu ikipe ya Al Sadd yabanje kuyibera umukinnyi nyuma aza kugirwa Umutoza wayo mukuru.
Xavi yasezeye ibijyanye no gukina muri 2019, ahita akomereza muri iyi Kipe yafashije gutwara igikombe cya Shampiyona giheruka , ndetse kuri ubu amaze imikino 36 adatsindwa mu mikino ya shampiyona.
Kuri ubu, FC Barcelone iri mu mazi abira , bijyanye n’ibibazo by’amikoro intandaro yo kuba imaze imikino igera kuri ine idatsinda ikaba yicaye ku mwanya wa cyenda muri Shampiyona y’Icyiciro cya Mbere muri Espagne .
Kuri uyu wa Gatanu nibwo Xavi yarategerejwe muri Espagne ngo ashyire umukino ku masezerano yo kuba Umutoza wa FC Barcelona , inkuru yakiriwe neza n’abakunzi b’iyi Kipe bataribishima kuva kizigenza Messi yajya mu Bufaransa muri PSG.
