Kuva na mbere u Rwanda rwakunze gushinja Ubutegetsi bwa DRCONGO gukorana n’umutwe w’iterabwoba wa FDLR, kuri iyi nshuro ho hanagaragaye ikimenyetso simusiga.
Ubwo yari agiye gusura ingabo zakomerekeye ku rugamba, Madamu Denise Nyakeru, akaba Umugore wa Perezida Tshisekedi, yagaragaye asura n’umusirikare ufite ibirango ku muboko by’umutwe w’abarwanyi kabuhariwe ba FDLR uzwi nka CRAP.
Madam Denise Nyakeru wa Perezida Tshisekedi yasuye ingabo za leta, FARDC zakomerekeye ku rugamba na M23
Uyu mutwe wa CRAP ni impine y’amagambo "Commando de Recherche et d’Action en Profondeur".
Uyu ni ingabo ya FARDC ifite tattoo ya FDLR
FDLR ni umutwe ’abasize bakoze Jenoside yakorewe Abatutsi muri Mata 1994, wanagizwe umutwe w’iterabwoba na Leta Zunze Ubumwe za America mu 2001, ukana usigaye wifashishwa n’ubutegetsi bwa DRC mu bikorwa byo kwica no kguteza umutekani muke mu bice by’Uburasirazuba bwa Congo ahari ubwoko bw’Abatutsi, abanyamulenge n’Abahema.
Minisitiri w’Ububanyi n’amahanga n’ubutwererane w’u Rwanda, Nduhungirehe Olivier Jea Patrick, amaze kubona iyo foto ya Madam Denise Nyakeru n’umurwanyi wa FDLR, yavuze ko bikuyeho urujijo ku bandi bari barusigaranye.
Yagize ati: "Ndizera ko tudakeneye ikindi gihamya cyo kubishyigikira ko uyu mutwe wakoze Jenoside ukanakwirakwiza ingengabitekerezo yayo mu gisirikare cya Congo mu bufatanye bagiranye, n’inyungu zo ku rwego rwo hejuru muri Kinshasa."
Minisitiri Nduhungirehe yakomeje avuga ko ibi bibaye nyuma gato y’urupfu rwa kizigenza wa FDLR waguye ku rugamba na M23, uzwi nka Gen. Omega, ufite amazina ya Ntawunguka Pacifique.
Nyuma y’uruzinduko ku butaro Madam Denise Nyakeru yafashe n’ifoto y’urwibutso
Samuel Mutungirehe
