Minisiteri y’Ubuzima yatangaje ko yatinze burundu icyorezo cya Marburg cyari kimaze iminsi kigaragara mu Rwanda.
Icyorezo cya Marburg cyagaragaye mu Rwanda bwa mbere muri Nzeri 2024, nyuma yuko hari hamaze iminsi harwara abantu indwara idasobanutse, ifite ibimenyetso bya malaria hafi 100% birarangira irimo guhitana abantu biganjemo abahanga bakurikiranaga abarwayi, arinako yandura ku muvuduko uri hejuru.
Kuva tariki ya 27 Nzeri 2024 Marburg igaragaye ndetse kugeza mu byumweru bibiri bya mbere abarwayi bahise bagera kuri 50.
Mu ntangiriro z’Ugushyingo abarwaye Marburg bari bamaze kuba 66, mu gihe 15 bari bamaze gupfa na ho 49 barayikize. N’ubu imibare ni ko ikimeze
Minisitiri w’Ubuzima, Dr. Sabin Nsanzimana yatangaje ko nyuma y’urugendo rutoroshye inzego z’ubuzima zihanganye n’icyorezo cya Marburg cyari kigaragaye ubwa mbere mu gihugu, cyamaze gutsindwa burundu no kurandurwa, ndetse ubu hakurikiyeho gukurikirana ibirombe byagaragayemo uducurama ku buryo tutazongera guhura n’abantu ngo tubanduze indwara.
Kuri uyu wa 20 Ukuboza 2024 Minisitiri w’Ubuzima, Dr. Sabin Nsanzimana yatangaje ko kuva igihe umurwayi wa nyuma avuye mu bitaro hashize iminsi 42, kandi ni yo yari itegerejwe ngo hatangazwe ko cyarangiye.
Ati “Rwari urugendo rutoroshye ariko uyu munsi dutsinze icyorezo cya Marburg mu Rwanda. Marburg yararangiye, tugendeye ku mabwiriza ya OMS twagombaga kubara iminsi 42 nyuma y’igihe umurwayi wa nyuma yakiriye akava mu kigo cy’ubuvuzi. Twari tumaze iminsi tubara iminsi. Mu ijoro ryo kuri uyu wa 19 wari umunsi wa 42, rero uyu munsi dutangaje ko Marburg yamaze gutsindwa mu Rwanda.”
Minisante igaragaza ko ahandi iki cyorezo cyagaragaye ibyago byo kwica byageraga kuri 90% by’abanduye ariko mu Rwanda biri kuri 22,7%.
Kuri uyu wa 20 Ukuboza 2024 Minisitiri w’Ubuzima, Dr. Sabin Nsanzimana yatangaje ko kuva igihe umurwayi wa nyuma avuye mu bitaro hashize iminsi 42, kandi ni yo yari itegerejwe ngo hatangazwe ko cyarangiye.
Ati “Rwari urugendo rutoroshye ariko uyu munsi dutsinze icyorezo cya Marburg mu Rwanda. Marburg yararangiye, tugendeye ku mabwiriza ya OMS twagombaga kubara iminsi 42 nyuma y’igihe umurwayi wa nyuma yakiriye akava mu kigo cy’ubuvuzi. Twari tumaze iminsi tubara iminsi. Mu ijoro ryo kuri uyu wa 19 wari umunsi wa 42, rero uyu munsi dutangaje ko Marburg yamaze gutsindwa mu Rwanda.”
Minisante igaragaza ko ahandi iki cyorezo cyagaragaye ibyago byo kwica byageraga kuri 90% by’abanduye ariko mu Rwanda biri kuri 22,7%.
