Minisitiri w’Ububanyi n’Amahanga n’Ubutwererane, Ambasaderi Olivier Nduhungirehe, yafunguye ku mugaragaro Ambasade y’u Rwanda muri Hongrie.
U Rwanda rwafunguye ambasade yarwo i Budapest, Hongrie, mu Ukuboza 2023. Muri Werurwe 2024, Ambasaderi Marguerite Françoise Nyagahura, ashyikiriza Perezida wa Hongrie, Tamás Sulyok, impapuro zimwemerera guhagararira u Rwanda muri iki gihugu.
Muri uru ruzinduko rw’akazi Minisitiri Ambasaderi Olivier Nduhungirehe ari kumwe na Minisitiri wa Siporo Madamu Nelly Mukazayire bagiranye ibiganiro na Hon.Péter Szijjártó, uyu ni minisititi w’ububanyi n’amahanga n’ubucuruzi wa Hongria.
Ibiganiro byabo bikaba byaribanze ku kurebera hamwe ibice by’ingenzi byashorwamo imari n’ubundi bufatanye nko mu burezi, ubucuruzi ndetse no mu mikino.
Mu kiganiro n’itangazamakuru, Minisitiri Nduhungirehe yavuze ko urwo ruzinduko rugaragaza uburyo umubano w’ibihugu byombi ukomeje gutezwa imbere.
Yagaragaje kandi ko uwo mubano ushimangirwa no kugenderanira kw’abayobozi bo mu bihugu byombi.
Ati “Uyu munsi turi gutaha ambasade y’u Rwanda i Budapest. Ni intambwe ikomeye mu gukomeza guteza imbere umubano wacu.”
Minisitiri Nduhungirehe yavuze ko mu biganiro bagiranye n’abo muri Hongrie, byibanze ku gushyira mu bikorwa amasezerano y’ubufatanye ibihugu byombi byasinye mu myaka ishize.
U Rwanda rwafunguye ambasade yarwo i Budapest, Hongrie, mu Ukuboza 2023.
Muri Werurwe 2024, Ambasaderi Marguerite Françoise Nyagahura, ashyikiriza Perezida wa Hongrie, Tamás Sulyok, impapuro zimwemerera guhagararira u Rwanda muri iki gihugu.
Hongrie ihagarariwe mu Rwanda na Ambasade yayo ifite icyicaro i Nairobi muri Kenya, ariko yafunguye ibiro [diplomatic office] byayo i Kigali muri Kanama 2023.
Amafoto
