Bitandukanye na Perezida Magufuli yasimbuye, Perezida wa Tanzania, Samia Suluhu yeretse urugero abatuye Tanzania yikingiza urukingo rwa COVID-19 imbere y’abaturage.
Kuva Perezida Samia Suluhu yagera ku butegetsi yagaragaje ubushake n’umuhate wo guhangana na coronavirus, yemera ko mu gihugu ke ihari mu gihe Magufuli yayihakanaga anashyiraho gahunda yo kuyirwanya none yatangije gahunda yo gukingira abaturage.
Gusa yakomeje kuvuga ko abantu badakwiye kumutandukanya na Magufuli yabereye Visi-Perezida, ariko biragoye kuko imyanzuro afata Magufuli yayamaganye inshuro zitabarika.
Si we gusa wafashe doze ya mbere, kuri uyu wa 28 Nyakanga 2021, hari n’abandi bayobozi bakuru muri Leta barimo Minisitiri w’Ububanyi n’Amahanga, Liberata Rutageruka Mulamula na we wakingiwe.
